MTU MNENE ZAIDI DUNIANI AJUTIA TABIA YA KUPENDA KULA-KULA...

Mtu mnene zaidi duniani amefichua siri kwamba hakuweza kutoka nyumbani kwake kwa kipindi cha miaka kumi iliyopita.

Keith Martin alisema kwa hakika anakumbuka mara ya mwisho kutoka kwake ilikuwa Septemba 11, 2001. Tangu hapo hadi sasa alipotangazwa kama mtu mzito zaidi ulimwenguni, hajawahi kusogea kutoka kitandani mwake.
Keith mwenye miaka 42, amesema hali yake sasa inamfanya atamani kujiua na sasa anajaribu kila hali kupunguza uzito wake.
Akiwa ameshafikia kula hadi kalori 20,000 kwa siku, sasa amejizuia na kupunguza kula hadi kufikia kalori 1,500.
Kiwango chake cha ulaji, Keith anaweza kumaliza soseji sita, mayai sita na mkate wa tosti na maharage.
Mlo wake wa mchana unafanana na huo akiongezea sandwichi na kababu tatu.
Vitafunwa ni pamoja na pakiti za biskuti na pipi, keki na chokoleti. Kabla ya kulala lazima ale sandwichi kadhaa. Anashushia na chupa mbili za soda ambazo kila moja ina ujazo wa lita moja pamoja na vikombe sita vya kahawa yenye sukari.
Kwa sasa amepunguza mlo wake hadi kufikia vipande vinne vya mkate wakati mwingine ukiwa umepakwa siagi ama mkate wenye vipande vya nyama, na huo unakuwa ndio mlo wake mmoja kamili wa siku.
Keith mwenye urefu wa futi 5 na inchi 9, tayari amepungua urefu kwa sentimenta 10. "Limekuwa zoezi gumu sana, lakini nimekuwa nikijaribu kusimamia ratiba yangu mpya ya mlo.
"Kujijua kwamba ndiye mtu mnene zaidi duniani ni kengele ya kuniamsha niliyokuwa nikihitaji. Simlaumu yeyote zaidi ya mimi mwenyewe kwa hali hii ya kutisha.
"Madaktari wamenieleza siwezi kufika umri wa miaka 50 kama sitachukua hatua za dhati kupunguza kula. Nahitaji kupunguza zaidi ya nusu ya uzito wangu.
"Nilipenda kuwa mwembamba wakati nilipokuwa kijana, lakini nilipendelea zaidi kukaa kwa raha kwenye kiti changu cha ukubwa wa wastani. Natazamia kupunguza kabisa uzito wangu."
"Nilikuwa nakula chipsi na mapochopocho kibao kama mlo wa mchana. Sasa, nasema kweli sina uroho wa chakula. Ninalazimika kufanya hivi kwa ajili yangu na familia yangu."
Keith alibainisha namna alivyoanza kupunguza uzito Septemba baada ya kulazwa alipokumbwa na maradhi ya mabusha ambayo yalivimba kufikia ukubwa wa mipira minne ya rugby.
Kisha Januari, Keith akatembelewa na jopo la madaktari bingwa nyumbani kwake na kumuonya: "Fanyia kazi ushauri wetu ama ufe."
"Najaribu kushughulikia ushauri wao lakini hakuna kinachoniumiza mno nyumbani kama vichwa vya habari vinavyozungumzia uzito wangu," alisema. "Imekuwa ikitisha, lakini inanisaidia kujadiliwa na kufikiriwa zaidi."
Kitu pekee anachoweza kufanya kwa sasa ni kusoma novo anazopenda za Tom Clancy ama kutazama filamu za kisayansi na kucheza michezo ya kwenye video.
Mara ya mwisho kutoka nyumbani kwake ukiacha mara nne alipokuwa akipelekwa hospitali, ilikuwa Septemba 11, 2001, siku ambayo ndege za magaidi zililipua jengo la World Trade Centre nchini Marekani.
"Nakumbuka vizuri sababu kila kona watu walikuwa wakihangaika na mashambulio hayo. Lakini kwangu, ilikuwa nzuri siku hiyo sababu ilimaanisha sitoweza kutoka nyumbani.
"Kitu cha mwisho kufanya ilikuwa ni kutembelea kituo changu cha kazi. Ikafikia hatua ya kushindwa kutembea kwenda kusaini kazini.
Sasa amekwama kitandani huku kila siku akitembelewa na wasaidizi saba ambao humuosha mikono na kubadilisha mashuka. Madaktari na manesi wanamtembelea nyumbani kutazama afya yake.
Kwa sasa amekuwa akipokea mafao ya Pauni za Uingereza 303 kwa usiku mmoja katika nyumba ya halmashauri vyumba vitatu anayochangia na dada zake wawili iliyoko Harlesden, kaskazini-magharibi mwa jiji la London.