ADAI MWANAMKE KAMWAMBUKIZA VIRUSI NA KUMFUKUZA KWAKE...

Mwandishi mkongwe wa simulizi za kutisha Clive Barker amemwambukiza virusi vya ukimwi rafiki yake wa kiume wa zamani na kisha kumtimua kutoka kwenye nyumba waliyokuwa wakiishi, hii ni kwa mujibu wa madi yaliyomo katika hati ya mashitaka.
Emilian David Armstrong amesema katika madai yake, alikutana na Clive mapema mwaka 1996 na kwa haraka wakaanza kuishi pamoja. Emilian alikuwa na binti aliyezaa na mwanamke mwingine hapo kabla. Naye pia walikuwa wakiishi naye.
Emilian amesema Novemba 1996, aligundulika kuwa na
virusi vya ukimwi. Hati inadai Clive alipimwa na kugundulika na virusi hivyo akamshauri na Emilian kupima. Emilian anashawishika kuamini kwamba Clive ndiye aliyemwambukiza virusi vya ukimwi.
Emilian amesema kwamba Clive alikiri siku za nyuma kuwa na mahusiano ya kimapenzi na binamu yake, ambaye alikuwa ameathirika na ukimwi. Kisha akajiingiza kwenye vitendo vya ukatili kwa kuambukiza virusi kwa makusudi muda mfupi kabla ya mahusiano ikiwamo kwa njia ya sindano.
Ni kwanini Emilian ameshubiri kwa miaka 16 kufungua mashitaka hayo amesema yeye na Clive walijaribu kulinda mahusiano yao na kupambana na virusi kwa pamoja, lakini mambo yakaanza kwenda kombo mwaka 2003.
Kwa mujibu wa hati ya mashitaka, hiyo ni pale Clive alipoanza kupindukia kwa matumizi ya dawa za maumivu kama Vicodin, Percocet, Demerol na Oxycodone. Emilia anadai Clive alikuwa akichanganya dawa hizo na pombe, cocaine na kutumia kujikarabati.
Lakini Emilian amesema hakukata tamaa katika mahusiano yao na alijaribu kumsaidia Clive katika matatizo yake ya madawa, lakini hali ikazidi kuwa mbaya.
Emilian anasema Clive akaanza kufanya sherehe za kubwia dawa za kulevya na wavulana wenye umri kati ya miaka 19 na 20.
Hati inadai mwaka 2009, Clive alimfukuza kutoka nyumbani kwake Emilian sambamba na binti yake na kuwaacha wakizagaa mitaani.
Emilian anadai alikuwa mshirika katika biashara za Clive na aliahidiwa kugawiwa sehemu ya faida. Pia anasema aliahidiwa kusaidiwa kimaisha.
Alipoulizwa kuhusu madai hayo, Clive hakusema chochote.